Truck nga nagalabay sa karsada nga wala sang tabon ang karga, pagparking sang dalagko nga truck kag pagbulad sang humay sa higad sang karsada, ginaduso nga dumilian

Iloilo City — Idumili ang mga trucks nga nagalabay sa karsada nga wala ginatabunan ang karga nga quarry materials kasubong sang duta kag bato. Kabahin ini sang provision sang Provincial Traffic Code nga gin-sponsor ni 4th District Board Member Domingo Oso, chairman sang Committee on Transportation sa Sangguniang Panlalawigan. Idumili man suno kay Oso ang pagparking sang mga dalagko nga trucks sa higad sang national highway kag pagbulad sang humay sa karsada. Paga-penahan ang mga magalapas sa laye kag mahimo pa nga mapreso suno kay Oso. Natalana ipresentar ni Oso sa regular session sang Sanguniang Panlalawigan sa Oktubre 10 ang Provincial Traffic Code para sa second reading. (JoMaque)