Governor Art Defensor, nagpatawag sang pagtililipon sa mga mayors sa probinsya sa iya balay sa Mina

Mina, Iloilo — Nagtambong ang 32 ka mga mayors sa probinsya sa ginpatawag nga pagtililipon ni Governor Art Defensor sa iya balay sa Mina. Nagpakita man sa amu nga pagtililipon sang mga alkalde si anay Congressman Oscar Garin sang 1st District. Natalupangdan ang pag-istoryahanay sang gobernador kag ni Garin apang nagbalibad ang duha nga magsugid sang ila gin-istoryahan. Ginpahayag sang anay kongresista nga ang iya pagkadtu sa balay sang mga Defensor bangud sa imbitasyon sang ila municipal fiesta. (JoMaque)