22-anyos nga call center agent, naghikog patay

Mandurriao, Iloilo City — Patay ang 22-anyos nga call center agent nga babaye matapos nasapwan nga nagbitay sa iya apartment sa Airport, Mandurriao kagab-i.  Gindala pa sa ospital ang babaye apang napatay alas-7:10 sang gab-i suno kay Chief Inspector Juvy Navales, hepe sang Mandurriao Police Station. Nasapwan ang babaye sang isa sa mga naga-istar man sa pareho nga building matapos nabatian nga may naglagabong sa sulod sang apartment gani gintawgan sang police kag ICER. Base sa imbestigasyon sang mga pulis kag sa suicide note nga nakita, masami nga nagapangimon ang live-in partner sang babaye bangud ginadudahan siya nga naga-entertain sang iban nga lalaki. Gilayon nga ginpabalo sang mga pulis ang pamilya sang babaye sa Miagao. (JoMaque)