January 25, 2022

(UPDATE) Iloilo International Airport, balik na sa normal nga operasyon

Read Time:50 Second

Cabatuan, Iloilo–Balik na sa normal ang operasyon sang Iloilo International Airport pagkatapos nakuha ang eroplano sang Cebu Pacific nga nagliw-as sa runway.

Suno kay Mr. Diego Eric Abecendario, chief sang Iloilo Airport Tower, ginbawi na sang Civil Aviation Authority of the Philippines ang Notice to Airmen alas-2 kaina sang hapon. Ginbuksan ang runway matapos nga ginguyod ang eroplano kaina sang aga.

Biernes sang gab-i sang nagliw-as sa runway ang flight 5J 461 halin sa Manila bangud sang mabaskug nga pag-ulan kag hangin. Luwas naman ang masobra 100 ka pasahero sang eroplano.

‘May salabton’

May salabton namn ang Cebu Pacific management sa pila ka adlaw nga pagsirado sang Iloilo International Airport suno kay Abecendario bangud madamo nga flights kag mga pasahero ang na-apektuhan sa natabu.

Sa record sang airport, 42 ka domestic flights kada adlaw na-apektuhan halin sang Sabado.

Ginguyod kaina ang eroplano kag ginpahigad gani nga ginbawi na sang CAAP ang sa liwat nga pagbukas sang runway. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Bangud sa Facebook post, duha ka grupo sang pamatan-on nag-rumble sa Mandurriao
Next post Sinkhole sa Sta. Barbara