2 patay sa pagbunggu-anay sang motorsiklo kag van sa Arevalo

Iloilo City–Duha ang patay sang nabunggu-anay ang motorsiklo kag Toyota Grandia sa Osmeña Street, San Jose, Arevalo las 2:45 kaina sang kaagahon.

Suno kay PO2 Ricky Andamoy, traffic investigator sa Arevalo Police Station, naglapaw sa iya nga lane ang motorsiklo kag nagbunggo sa van.

Dead-on-arrival sa The Medical City ang driver sang motorsiklo nga si  Julius Gelvoleo, 25, kag backrider nga si Francene Rampart Naldoza, 24, lunsay mga residente sang Brgy. Cabasi, Guimbal. Nagpalaman-ol naman ang lawas sang driver sang Toyota Grandia nga si Nelson Delos Reyes, 52 anyos sang Poblacion, Leon bangud sang impact sang pagbunggu-anay. (AGB)