Bilas ni Estancia Mayor Rene Cordero, ginserbihan sang search warrant pero wala na naabtan sang mga operatiba

Sara, Iloilo–Ginserbihan sang search warrant bangud sa illegal possession of firearms ang bilas ni Estancia Mayor Rrene Cordero sa Brgy. Aspera, Sara.

Wala na-abtan ang subject nga si Frank George Sanson alyas Jojo suno kay Chief Inspector Charlie Sustento Jr, supervisor sang Provincial Special Operations Group sa Fifth District. Wala man sang narecover nga armas. Subject sang search warrant ang duha ka shot gun, duha ka 45 caliber pistol, 9 mm kag madamo nga mga bala.

Gin-angut ni Sustento sa Balume Crime Group si Sanson nga port manager sa Feeder Port sa Estancia. (AGB)