Mga Criminal Gangs Sa Probinsya Aktibo Tubtob Sa Karon Suno Kay IPPO Director Marlon Tayaba

Province of Iloilo – Aktibo ang mga criminal gangs sa probinsya tubtob subong. Sabat ini ni Iloilo Police Provincial Office Director Marlon Tayaba sa reaksyon sang mga mayors sa mga banwa nga iya namitlangan nga wala sang criminal gangs sa ila lugar. Gintumod ni Tayaba ang Sara, Estancia, Lemery, San Rafael, Pototan, San Enrique kag isa pa ka banwa nga may presensya sang armed groups.

Gin-athag ni Tayaba nga naverify ini nga impormasyon nga naghalin sa lain-lain nga intelligence units.

Ginpahayag ni Tayaba nga pila sa mga criminal gangs ang ginagamit sa tiun sang piniliay. Pero kon wala sang eleksyon, involved sila sa gun-for-hire, robbery/hold-up kag bisan sa illegal drugs.

(ATT)