DILG 6, indi pa sigurado kun sila ang magaserbi sang dismissal order sang Ombudsman batuk kay Mayor Mabilog

Iloilo City — Indi pa sigurado si DILG 6 Legal Officer Cedric Jaranilla kon sila ang magaserbe sang dismissal order kay Mayor Jed Patrick Mabilog.  Kon basehan ang kopya sang order suno kay Jaranilla, si DILG OIC Catalino Cuy ang ginmanduan nga magpatuman sini. Posible suno kay Jaranilla nga ang central office ang mapatuman sang mandu ukon mahimo man nga mapadala sa ila opisina agud iserbe kay Mabilog. Ginpa-athag dugang ni Jaranilla nga pwede nga mapa-receive ang dismissal order sa abogado ni Mayor Mabilog bangud naka-sick leave siya subong kag ara sa luwas sang pungsod. (JoMaque)