ICPO, nagapanindugan nga dapat matapos ang practice para sa Dinagyang Festival antes mag-alas 10 sa gab-i

Iloilo City — Nagalaum ang Iloilo City Police Office nga indi maglab-ut sa curfew hours ang practice sang mga menor-de-edad nga tribe members para sa Dinagyang Festival ang ila practice.   Suno kay WCPD OIC Shella Mae Sangrines, ginatindugan nila nga tapuson ang practice antes mag-alas-10 sang gab-i agud makapauli ang mga menor-de-edad antes ang curfew hours. Mahimo man nga sa eskwelahan na lang patulugon ang mga estudyante ukon sugaton sang ginikanan ang ila kabataan.

Sa sinapol upod kay acting Mayor Joe Espinosa sang Lunes, nag-ayo ang iban nga school authorities nga butangan sang mga pulis ukon barangay tanod ang ila area kon maglapaw sa alas-10 ang practice kag kon mahimo, idul-ong sang patrol car ang mga menor-de-edad sa pagpauli. (JoMaque)