Lalaki, gintiro patay sang iya bilas sa Calinog

Calinog, Iloilo — Pangimon ang motibo sa pagtiro patay sang bilas sa iya man bilas sa Barangay Datagan, Calinog. Suno kay Senior Inspector Orlando Fangena, hepe sang Calinog Police Station, wala na natabangan ang biktima nga si Sonny Salaño, 34 anyos sang Tacloban City sang gindala sa Calinog District Hospital. Nagalakat kahapon sang aga sa kilid sang basketball court ang biktima nga si Salaño sang gintiro sa likod sang suspect nga si Rommel Gabas, 39 anyos sang Brgy. Agcalaga, Calinog gamit ang homemade 12 gauge shotgun. Nagapangimon suno kay Fangena ang biktima nga si Salaño sa iya bilas nga si Gabas sa pagpati nga may relasyon sa iya asawa Antes ang pagtiro, nagtapungulay ang suspect kag biktima samtang hubog. (JoMaque)