13 anyos nga out-of-school youth nga dalagita, nagreklamo nga gin-gang rape

Arevalo, Iloilo City — Kumpirmado nga nagreklamo sa Arevalo Police Station ang 13-anyos nga out-of-school youth nga gin-alegar ginbulus-bulusan himulos sang tatlo ka pamatan-on.  Suno kay Senior Inspector Mary Grace Borio, hepe sang Arevalo Police Station, ginsaysay ni alyas Nene nga natabu ang gang rape sang Oktubre 25 kag 26 sang gab-i. Ginpahayag ni Nene nga naglagaw siya upod sa iya amiga kag nag-upod inom sa nobyo sang iya amiga. Kaupod man nila nga nag-inom ang tatlo ka suspek. Sang nahubog ang dalagita, ginpahayag sini nga gindala siya sa kamalig nanday alyas John, 17-anyos; alyas Boy, 18-anyos kag alyas Kokoy, 19-anyos. Nasulit pa ini suno kay Nene sang Oktubre 26.

Oktubre 27 na nagpauli si Nene kag ginsugid sa iya lolo kag lola ang natabu matapos nanotisyahan sang mga ini nga may lain sa iya. Bulagay na ang ginikanan ni Nene gani sa balay sang iya lolo kag lola siya nagapauli. Nadakpan ang 17-anyos nga suspek samtang at-large ang duha pa. Padayon nga gina-imbestigaran sang mga pulis ang natabu. (JoMaque)