Journalist nga nagpasaka sang kaso batuk kay Mayor Jed Patrick Mabilog, samo ang reaksyon sa pagdismiss sang Ombudsman sa alkalde

Iloilo City–Samo ang reaksyon ni journalist Manuel Mejorada sa pagdismiss sang Ombudsman kay Mayor Jed Patrick Mabilog bangud sang iya unexplained wealth.

Suno kay Mejorada, nalipay siya bangud napamatud-an nga wala siya nagahimo-himo sang istorya ukon nagapamulitika. Apang nasubuan siya bangud nautod ang pagpaninguha ni Mayor Mabilog nga bag-uhon ang iya batasan kag pagdumala sa syudad.

Ginpabutyag ni Mejorada nga nagapati siya sa second chance. Madamo suno sa iya sang naobra ang alkalde ilabi na sa paghimo sa syudad nga business hub.

Ginpa-athag ni Mejorada nga nagpasaka siya sang kaso batuk kay Mabilog matapos nadiskubrehan nga P8.9 million ang paghabok sang networth sang alkalde sa sulod lang sang isa ka tuig. (AGB)