17-anyos nga nagbakal sang ilimnon sa Guimaras, nasapwan patay matapos nadisgrasya sa motorsiklo

Jordan, Guimaras —  Nasapwan nga nagahuray-ad sa karsada ang bangkay sang 17-anyos nga lalaki sa Brgy. San Miguel, Jordan, Guimaras kahapon.  Suno kay Senior Inspector Edwin Belarmino, officer on charge sa Jordan Police Station, sabado sang gab-e sang nagbakal sang ilimnon si alyas Paolo matapos nagtambong sa birthday party sa amu nga lugar.  Nakabunggo ang motorsiklo nga ginmaneho ni Paolo sa palm tree suno kay Belarmino. May patal nga pilas sa ulo si Paolo. (JoMaque)