‘Bomb scare sa Estancia Feeder Port’

Estancia, Iloilo— Gincordon sang Estancia police ang portion sang Feeder Port matapos natukiban ang gamay nga box nga may nasulat nga indi pagbuksan bangud may bomba.

Ginkumpirmar ni Chief Inspector Jonah Galicha, hepe sang Estancia Police Station, nga ginreport sa ila ang nakita nga box. Ginpahayag nga ginpahatag lang sang lalaki ang box sa kapitan sang M Star nga motor banca nga may biyahe pa-Masbate.

Ginkadtuan sang taga-Explosive and Ordnance Division sang Iloilo Police Provincial Office ang lugar kag natukiban nga cellphones kag charger ang unod nga ginpadala sa taga-Estancia halin sa abroad. Gina-imbestigaran kon sin-o ang nagbutang sang sulat nga may bomba ang box. (AGB)