Pagpatuman sang Curfew Ordinance sa syudad, suspendido sa Nov. 1

Iloilo City — Suspendido ang pagpatuman sang Curfew for Minors Ordinance sa Nobyembre 1.  Pahayag ini ni Iloilo City Police Office Director Henry Biñas samtang gina-obserbar ang Fiesta Minatay. Apang nakabantay suno kay Biñas ang mga pulis agud masiguro nga wala sang menor-de-edad nga madalahig sa kinagamo.

Gin-athag ni ICPO Spokesperson Shella Mae Sangrines nga magahatag sila sang konsiderasyon kag indi pag-i-apprehend ang mga menor-de-edad nga makita sa mga patyo sa curfew hours kon may kaupod nga guardian ukon ginikanan. Pero kon may ma-obserbahan ang mga pulis nga mga pamatan-on nga wala nagapamalandong, sawayon sila nga magpauli na kag kon magbalibad, i-rescue sila kag dal-on sa police station. (JoMaque)