BALAY SANG MIEMBRO SANG PHIL. ARMY SA BRGY. SAN LUCAS BAROTAC VIEJO, GIN-STRAFING
Barotac Viejo, Iloilo — Napuhag ang pamilya Barrida sa Barangay San Lucas, Barotac Viejo matapos ginpa-arakan tiro ang ila balay. Napilasan sa strafing ang army nga ginkilala kay Felizardo Barrida nga naigo sa paa kag tiil. Gindala sa ospital sa syudad ang biktima. Nagasgasan man sa guya ang hinablos sang suldado bangud nagkamang ini agud indi maigo sang bala. Suno kay Punong Barangay Eddie Lumampao sang San Lucas, 4 ka miembro sang pamilya Barrida ang yara sa sulod sang balay sang natabu ang insidente. May nakita nga mga basiyo sang ginapatihan 45 caliber pistol kag ginapatihan uzi si Lumampao malapit sa balay sang pamilya Barrida. May nakita man nga mga buslot sa dingding sang balay nga posible igo sang 45 caliber pistol kag ginapatihan uzi. Padayon ang imbestigasyon sang mga pulis sa natabu.
Nagapati si Punong Barangay Lumampao nga nasal-an lang nga balay sang mag-utod nga lalaki nga papwersa sadto nga ginkuha sang 3 ka armado nga lalaki ang balay sang suldado. Posible nagbalik sa lugar suno kay Lumampao ang mga armado nga lalaki. Ang balay sang suldado ginabanta sa 40 metros ang kalayuon sa balay sang mag-utod. Nagasiga pa ang balay ni Barrida sang gin-strafing. (JoMaque)