(UPDATE) Apat ka suspek sa pag-gang rape sa 14-anyos nga out-of-school-youth nga dalagita, ginpasakaan na sang kaso

Iloilo City–Ginpasakaan na sang kaso nga rape ang apat ka mga lalaki nga ginatudlo nagbulos-bulos himulos sa 14-anyos nga out-of-school youth nga dalagita sa Arevalo.

Ginkumpirmar ini ni Senior Inspector Mary Grace Borio, hepe sang Arevalo Police Station. Positibo nga gintudlo ni alyas Nene ang apat ka mga suspetsado nga amu ang naghimulos sa iya nga sanday alyas Upok, 24-anyos; alyas Koy-Koy, 20; alyas Sonny Boy, 19; kag alyas Polpol, 17-anyos.  Nagapabilin sa Balay Dalayunan ang sa Bo. Obrero, Lapuz ang menor-de-edad nga suspect samtang priso sa Arevalo Police Station ang tatlo pa ka iban.

Nagbalibad naman nga magpa-interview ang tatlo ka suspects.

Ginsaysay ni Nene nga Oktubre 25 kag 26 natabu ang insidente sa iya matapos ang ila pag-inom inom upod sa iya amiga, nobyo sang iya amiga kag apat ka suspetsado. Ginpahayag nga sang nahubog na ang dalagita, gindala siya sa kamalig kag ginbulus-bulusan himulos. (AGB)