Mga Police Officers 1 nga wala nagarespeto sa ila senior officers, dapat disiplinahon suno sa IPPO
Iloilo — Dapat disiplinahon ang mga police officers 1 nga wala nagarespeto sa ila senior officers. Ginpanugyan ini ni Supt. Elmer Armada, Deputy Provincial Director for Administration sa Iloilo Police Provincial Office, sa mga team leaders kag chiefs of police sa command conference sang nagligad nga semana. Na-obserbahan ni Armada nga nagapungko sa sulod sang patrol car kag nagapa-‘aircon’ ang mga PO1 kon may checkpoint samtang ang ila mga senior officers ang nagapulaw. Magluwas sini, ginlaygayan man ni Armada ang mga hepe nga magpamati sang maayo kag mag-take note kon may command conference agud mahangpan nila ang ginahatag nga instructions ni IPPO Director Marlon Tayaba.
Kulang sa kortesiya
Na-obserbahan ni Iloilo Police Provincial Office Director Marlon Tayaba ang kakulang sang kurteseya sang mga Police Officers 1 sa mas may mataas nga ranggo sa ila. Ginhalimbawa ni Tayaba ang protocol sa PNP organization nga pagsalute sa senior officer. Ginpa-athag ni Tayaba nga ranggo kag indi tawo ang ginasaluduhan bisan pa nga mahambal ang PO1 nga mas maalam siya sa senior officer. Ginpa-athag naman ni Tayaba nga may merit kag demerit system ang PNP. Kon mas madamo ang demerit pareho sang kapaslawan nga magsalute sa mas mataas ang ranggo, mahimo ini ma-convert sa community works ukon pagtrabaho sa kampo pareho sang pagpaninlo kag pagpananum. Halimbawa naman sang merit ang paghimo sang kaayuhan.
Pwede pa matadlong
Pwede pa matadlong ang indi ensakto nga pamatasan sang mga bag-uhanon nga pulis. Suno kay Tayaba, nakadepende sa chiefs-of-police ang pagdisiplina sa ila mga tinawo agud masiguro nga ginasunod nila ang code of conduct sang PNP organization. Wala sang malain suno kay Tayaba nga i-remind ang mga PO1 sa paghatag sang kurteseya sa ila senior officers agud madumduman nila kag ma-execute kon may masugata nga mas mataas ang ranggo. Gina-engganyo naman ni Tayaba ang mga senior officers nga tindugan ang ila ranggo. Una na nga ginhambalan ni Supt. Elmer Armada, Deputy Provincial Director for Administration sang IPPO, ang mga hepe nga disiplinahon ang mga PO1 nga wala naga-salute sa ila senior officers. (JoMaque)
More Stories
Babaye ginasunod nga motibo sa pagbuno sa mag-utod sa Alimodian
ILOILO – Nanindugan ang 18-anyos nga suspect sa pagpangbuno sa mag-utod sa Barangay Buhay, Alimodian nga nobya niya ang babaye...
MGA ESKWELAHAN, TERMINALS SA PROBINSIYA SANG ILOILO BANTAYAN SANG MGA POLICE SA PAGBUKAS SANG KLASE
ILOILO – Mabantay ang kapulisan sa mga matawo nga lugar sa probinsiya sang Iloilo agud masiguro ang malinong kag matawhay...
4,000 KA MGA MANUNUDLO SA WESTERN VISAYAS, NAGAPABILIN NGA UNVACCINATED BATOK SA COVID-19
ILOILO CITY – Nagapabilin nga unvaccinated batok sa COVID-19 ang 4,903 ka mga manunudlo sa Western Visayas bisan magabukas na...
P500 MILLION CASH AID, I-DISTRIBUTE SANG DSWD SA MGA INDIGENT STUDENTS
MANILA – Ma-umpisa na ang Department of Social Welfare and Development (DSWD) sa pag-distribute sang P500 million nga cash assistance...
‘SUSPECTED SINKHOLE’ SA MUELLE LONEY, CITY PROPER GINABANTA NGA NAGALAPAD SANG 1 KA METRO – PSTMO
ILOILO CITY – Ginabanta isa ka metro ang kalaparon kag tunga sa metro ang kadalumon sang nagtuhaw nga “suspected sinkhole”...
Jeepney driver nga may balatian sa tagipusuon, patay na sang nasapwan sa Tagbak terminal
ILOILO CITY – Wala na nagaginhawa sang nasapwan sang iya kapareho nga jeepney driver si Ramon Monte, 78-anyos sang Jaro....
Average Rating