December 3, 2021

Porsyon sang building sa Rizal Street City Proper, nasunog

Read Time:46 Second

Iloilo City — Nasunog ang ikatatlo nga panalgan sa Rizal Street, City Proper. Napuhag ang mga tawo sa palibot kag mga okupante sa idalum kag kaingud nga buildings sang nag-ibwal ang kalayo pasado alas-7 subong nga gab-i.  Suno sa tag-iya sang salon sa ground floor, gina-istaran ang third floor sang mga nagatrabaho sa ginarenovate nga building.  Madasig naman nga nakaresponder ang mga katapu sang Bureau of Fire Protection kag volunteer fire brigades. Ginapatihan nga ginhalinan sang sunog ang linya sang kuryente suno kay City Fire Marshal Bartolome Beliran.

Ang sunog kagab-i, ikatatlo na nga sunog sa subong nga bulan. Una nga natabu ang sunog sa Barangay Benedicto, Jaro sa diin 66 ka balay ang totally damaged kag apat ang partially damaged sang Sabado sang hapon. Domingo sang gab-i, pito ka balay ang totally gutted kag anum ang partially damaged sa sunog sa Zamora-Melliza, City Proper. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pagpatulog sa kabataan sa eskuwelahan kag pag-practice tubtub sa tungan gab-i para sa Dinagyang, gina-discourage sang DepEd 6
Next post Construction worker, nadakpan sa buy bust operation sa Lapuz