(UPDATE) Love triangle, ginasunod nga anggulo sa pag-strafing sa balay sang soldado sa Barotac Viejo

Barotac Viejo, Iloilo–Love triangle ang ginasunod nga anggulo sang mga pulis sa pag-strafing sa balay ni Army Corporal Felizardo Barrida sa Barangay San Lucas, Barotac Viejo.

Base sa impormasyon nga ginpalab-ot sang Barotac Viejo police kay IPPO Director PSSUPT Marlon Tayaba, natukiban nga may ginpakaslan nga babaye sa barangay San Lucas si Corporal Barrida. Live-in partner naman sini ang babaye nga upod niya sa iya balay sang natabu ang insidente.

Sa impormasyon nga nabaton ni Tayaba, may live-in partner man ang asawa sang soldado. Ginapatihan nga nagdumot ang asawa ni Barrida bangud wala na ini nagahatag sang sustento.

Nakilala naman sang testigo suno kay Tayaba ang isa sa mga suspetsado nga nag-strafing kag nagsulod sa balay ni Barrida kag ginapreparar na ang kaso nga ipasaka. (AGB)