PDEA VI Nag-ako Nga Nagpangayo Sila Sang Bulig Sa ICPO Sa Kampanya Kontra Illegal Nga Druga

Western Visayas – Gin-ako ni Philippine Drug Enforcement Agency VI Director Wardley Getalla nga nagpangayo siya sang bulig kay Iloilo City Police Office Director Henry Biñas sa kampanya kontra illegal nga druga.

Suno kay Getalla, indi nila masarangan ang pagpangdakup sang mga drug personalities bangud 32 lang ang agents sang PDEA sa Western Visayas. Nagpangayo si Getalla sang suporta sa pag-identify sang mga target drug personalities.

Sang damlag lang, ginhatag ni Presidente Rodrigo Duterte sa PDEA ang responsibilidad sa pagpanguna sa anti-drug operations.

(ATT)