Asawa patay, bana pilason sa aksidente sang salakyan sa Antique

Antique–Patay ang asawa samtang pilason ang iya bana kag ang driver sang motorsiklo nga ila ginsakyan sang nabungguan sila sang delivery van sa Brgy. Cadajug, Laua-an, Antique kaina sang aga.

Suno kay Senior Inspector Christian Mahometano, hepe sang Laua-an Police Station, dead-on-the-spot si Maricel Tayco, 50-anyos. Pilason naman ang bana ni Maricel nga si Ricardo Tayco kag ang 14-anyos nga driver sang motorsiklo nga si Rico.

Base sa imbestigasyon sang mga pulis, nagasunod ang van sa motorsiklo antes ang aksidente. Hinali nga nag-U-turn ang motorsiklo kadungan man sa pag-overtake sang van gani nga nabungguan. (AGB)