Duha ka Badjao sa Jaro, ginpahayag nga nagpanumbag matapos wala ginhatagan sang kwarta

Iloilo City–Nakibot ang iloy sang 10 ka tuig nga babaye sang ginsumbag ini sang duha ka bata nga Badjao samtang nagasakay sila sa depasahero nga jeep sa Jaro.

Suno kay Mrs. Monica Galarpe, posible naakig ang mga Badjao bangud ginsita niya kag wala ginhatagan sang kwarta. Ginsaysay ni Galarpe nga nagsakay ang duha ka bata nga naga-edad walo tubtob siyam ka tuig sa Tabuc Suba kag nanaug sa Tagbak Terminal.

Ginhambalan ni Galarpe ang duha nga indi maglagaw bangud ginadakup sila. Pero naakig suno sa iya ang mga bata kag ginsumbag ang iya anak pero wala naigo.

Sang damlag lang, ginmandu ni Mayor Joe Espinosa nga sapupuhon ang mga Badjao kag pabalikon sa ila lugar. Nagaduda naman si Chief Inspector Juvy Navales, hepe sang Mandurriao Police Station, nga may sindikato sa likod sang mga Badjao kasunod sang natukiban nga transaksyon sa Pera Padala sa diin may ginapadal-an sang kwarta ang mga Badjao nga isa lang ka tawo sa Jolo, Sulu. (AGB)