Hepe sang mga police stations sa syudad, ginmanduan ni ICPO director Henry Biñas nga imbestigaran kun sin-o ang leader sang mga badjao

Iloilo City — Ginmanduan ni Iloilo City Police Offuce Director Henry Biñas ang chief sang Investigation Section kag mga hepe sang lain-lain nga police stations sa syudad nga imbestigaran kon sin-o ang nagatindog nga lider sang mga Badjao nga nagapangayo-kayo.  Natingalan man si Biñas sa pagdagsa sang mga Badjao sa syudad kag probinsya kag maisog pa sa pagpangayo sa mga salakyan. Ginpahayag nga kwarta kag indi pagkaun ang ginapangayo sang mga Badjao.

Gingastuhan sang syudad plete sa barko agud makapauli ang mga Badjao sang nagligad nga tuig. Sang damlag lang, ginmandu man ni Mayor Joe Espinosa ang pagsapupo sa mga Badjao kag pagpabalik sa ila ginhalinan. (JoMaque)