Schedule sang pagsumpa sang mag-amay nga Defensor sa PDP-Laban, ginpaisol

Iloilo City —  Ginkonfirmar ni Governor Art Defensor nga indi madayon ang ila pagsumpa sa PDP-Laban nga natalana sa Nobyembre 23. Sa baylo, gin-reschedule ini sa Disyembre 1. Ginpabutyag sang gobernador nga indi available ang schedule ni House Speaker Pantaleon Alvarez bangud may importante nga appointment sa Nobyembre 23. Ginahulat sang gobernador ang confirmation halin sa opisina ni Alvarez sang ila pagsumpa sa partido PDP-LABAN upod sa mga mayors, vice mayors, sangguniang bayan members kag mga barangay kapitan sa 3rd district nga hiwaton sa Mina, Iloilo. (JoMaque)