3 ka vintage bombs, nakutkotan sa Oton

Oton, Iloilo — Nakutkotan sa likod sang barangay hall sa Trapiche, Oton ang tatlo ka ginapatihan vintage bombs. Ang mga naga-demolish sang balay sa likod sang barangay hall amu ang nakakotkot sang mga bomba kag gilayon nga gintawgan sang police. Gindala sa Oton Police Station ang mga bomba kag ginturn over sa Explosive and Ordnance Division sang Iloilo Police Provincial Office (IPPO). (JoMaque)