Bangud sa utang, nagabusong sa Lapaz ginkastigo kag nalipong!

Iloilo City–Nalipong gid ang babaye nga nagabusong sang walo ka bulan sa Lapaz matapos gintampa kag ginlampusan sang bangko.

Suno kay PO2 Antonio Santibañez sang Lapaz Police Station, base sa ila pagpangusisa, ginkadtuan ni alyas Maria, 21-anyos, si alyas Girlie agud sukton sang utang pero nagbaisay sila asta nga nakastiguhan ang nagabusong nga si Girlie. Gindala sa ospital si Girlie samtang gindakup si Maria nga nagbalibad nga magpa-interview agud kuhaan kuntani sang iya bahin sa natabu.

Ginkumpirmar sang magtimbang nga kampo nga naareglo ang away sang duha bangud lang sa 250 pesos nga utang sa ginkuha nga produkto sa pagpaguwapa. (AGB)