January 25, 2022

3 ka pulis, pilason sa ambush sa Sibalum, Antique; NPA Coronacion Chiva “Waling-Waling” Command, nag-ako nga naghimo sang ambush

Read Time:1 Minute, 1 Second

Antique–Pilason ang tatlo ka pulis sa ambush sang ginapatihan mga miembro sang New People’s Army sa boundary sang Barangay Pis-anan kag Barangay Bontol, Sibalom, Antique mga alas-9 kaina sang aga.

Ginkilala ang mga pilason kanday PO3 Gaby Orantes nga may pilas sa tiyan, PO3 Michael Alejo nga may pilas sa kamot kag PO3 Salvador Cordero nga may pilas sa butkon. Pareho nga may igo sang sharpnel sang naglupok nga improvised explosive device ang mga pilason. Estable na sanday Cordero kag Alejo nga nagapabilin sa Ramon Maza Sr Memorial Hospital sa Sibalom samtang operahan si Orantes nga confine sa Angel Salazar Memorial Hospital sa San Jose, Antique.

Nagapatrolya sakay sa back-to-back patrol car ang 13 ka pulis lakip ang tatlo ka pilason sa pagpangina ni SPO4 Ricky Encina sang natabu ang ambush.

Suno kay inspector Clark Philip Dinco, hepe sang Sibalom Police Station, pilason man si PO1 Jonard Laguna matapos nahulog sa patrol car kasunod sang paglupok sang duha ka IEDs. Nagapati si Dinco nga may pilason man sa armado nga grupo pero padayon pa nila nga ginakumpirmar.

Kaina sang kaagahon, may report man sang harassment sa army detachment sa Barangay Bululacao sa amo man nga banwa. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Driver sang habal-habal sa Calinog, gintiro patay; retirado nga pulis, gintudlo mastermind sa krimen
Next post Councilor Joshua Alim, nakapresentar sa House Committee on Legislative Franchises sa hagna may kaangtanan sa renewal sang franchise sang PECO