January 25, 2022

(UPDATE) Pag-file sang mga reklamo batuk sa PECO, wala nagsunod sa proseso suno sa opisyal sang kompaniya

Read Time:58 Second

Iloilo City–Wala nagsunod sa proseso ang mga reklamo nga gin-file batuk sa Panay Electric Company.

Suno kay Engr. Randy Pastolero, Vice President for Operations sang PECO, kun may ara gid man sang kuwestyun sa billing sang mga konsumedor nga gintipon ni Councilor Joshua Alim, dapat ginpaagi sa consumer welfare desk sang distribution utility. Kun wala sang settlement nga matabu suno sa iya, puwede ini nga ma-elevate sa Energy Regulatory Commission. Gin-athag sang ERC sa public hearing sang House Ccommittee on Legislative Franchises kahapon nga i-settle sa level sang PECO ang reklamo antes ipalab-ot sa komisyon.

Plano sang PECO management nga imbitaron ang mga konsumedor nga nagpirma sa petition ni alim kag ang mga nagareklamo nga wala pa nag-agi sa konsehal agud maistorya kag mapangitaan sang solusyon ang ila problema.

Kinahanglan man suno kay Pastolero ang pagpatuman sang pagbag-o sa ila Consumer Welfare Desk bangud sa negatibo nga feedback sang mga nagdangup nga konsumedor. Isa ini ka paagi suno sa iya agud nga makoreheran ang ila mga sala.

Liwat nga ginpanindugan ni Pastolero nga indi tanan nga nagpirma sa petition ni Alim ang may issue sa overbilling. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post READ: Statement ni Presidential Adviser on the Peace Process Jesus Dureza angut sa pagkanselar sang gobierno sang peace talks sa CPP/NPA/NDF
Next post Bangkay sang Ilongga nga ginpahayag naglumpat sa barko sa Romblon, nakita sa Caluya, Antique