Turismo sa Maasin, apektado sa pagpang-ambush sang NPA sa mga pulis suno kay Mayor Mariano Malones

Maasin, Iloilo — Apektado ang turismo sa Maasin bangud sang pag-ambush sang mga miembro sang New Peoples Army sa mga katapo sang Regional Mobile Force Battalion sa Sitio Camansi sa Barangay Bolo sang nagligad nga semana.  Suno kay Mayor Mariano Malones, posible nga maganubo ang numero sang mga dumoloong kag lokal nga turista nga mabisita sa banwa bangud sa natabu. Ginkanselar man sang sabado suno sa alkalde ang children summit sa maasin bangud nahadlok nga magdulhog sa banwa ang mga kabataan halin sa kabaranggayan.  Bukas naman si Malones sa pagpakig-istorya sa mga katapu sang NPA agud mabuligan sa ila problema bisan pa gintapos ni Presidente Rodrigo Duterte ang peace talks sa mga rebelde nga komunista. Naga-apelar ang alkalde sang kooperasyon sa grupo agud mangin malinong ang banwa. (JoMaque)