January 23, 2022

Impormasyon nga may presensya sang Special Partisan Unit (SPARU) sang NPA sa syudad, ginapa-verify sang ICPO Director

Read Time:1 Minute, 15 Second

Iloilo City–Ginapa-validate ni Iloilo City Police Office Director PSSUPT Henry Biñas sa intelligence operatives ang impormasyon nga may presensya sang special partisan unit ukon SPARU, ang urban hit squad sang New People’s Army sa syudad.

Suno kay Biñas, may mga barangay sa syudad nga ginpahayag may presensya sang SPARU. Ginkumpirmar ni Biñas ang impormasyon nga pito ka barangay sa syudad ang may SPARU nga amu ang Sto Niño Sur, Sooc kag Calaparan sa Arevalo kag North Baluarte, Calumpang kag Timawa sa Molo.

Wala naman namitlang sa impormasyon suno kay Biñas nga may financier ang grupo. Nagpangabay si Biñas sa publiko nga ipalab-ot sa mga pulis ang anuman nga impormasyon angut sa ginpahayag pag-reactivate sang SPARU sang NPA agud nga matapna kag mapabilin nga matawhay ang syudad.

‘Sabat sang mga progresibo nga grupo’

Ginakuwestyun naman sang progresibo nga grupo ang ginpaguwa nga impormasyon sang kapulisan nga may presensya sang SPARU sa syudad.

Suno kay Mr. Reylan Vergara, secretary general sang Karapatan-Panay, ginakondisyon lang sang kapulisan ang paminsaron sang mga pumuluyo agud nga maghatag sang kakulba. May posibilidad suno sa iya nga ipasibangud sa SPARU ang pagpamatay sa war on drugs sang administrasyon agud basehan sang plano nga pagtukod sang revolutionary government.

Puwede man suno kay Vergara nga paguwaon sang kapulisan nga nagapanabotahe ang NPA members sa syudad.

Dugang ni Vergara, imposible nga mag-deploy sang SPARU ang NPA sa syudad bangud base man sa Armed Forces of the Philippines, diutay na lang ang numero sang mga rebelde. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) Mga parishioners sa St. Anne Parish sa Molo, naghiwat sang prayer assembly bilang suporta kay Archbishop
Next post PNP Chief Ronald Dela Rosa Ginpasidunggan Ang Mga Pulis Nga Napilasan Sa Pag-ambush Sang NPA