Mga nagaduso sang Revolutionary Government sa Iloilo, nagrally!

Iloilo City–Nagrally ang mga pro-Duterte supporters agud ipanawagan nga magtukod si Presidente Rodrigo Duterte sang revolutionary government.

Suno kay Mr. Otoniel Gonzaga, isa sa mga organizers sang rally, tuman ka hinay ang pagbag-o nga ginpromisa ni Duterte sang campaign period bangud sang mga upang. Ginpa-athag sini nga kon revolutionary government ang pagdumala, mas mahapos ang pag-transition sa federalism.

Nag-motorcade ang lain-lain nga grupo nga nagasuporta sang revolutionary government halin sa Jaro Plaza antes naghimo sang programa sa Provincial Capitol ground alas-3 kaina sang hapon. (AGB)