Otoridad Ni Father Esperidion “Boy” Celis, Outgoing Nga Kura Paruko Sa St. Ann Parish Sa Molo, Indi Pagkilalahanun Sang Jaro Archdiocese Kon Magpamalibad Sa Reshuffling

District of Molo – Indi pagkilalahon sang Archdiocese sang Jaro ang otoridad ni Father Esperidion “Boy” Celis, outgoing nga kura paruko sang St. Anne Parish sa Molo, kon magbalibad siya sa mandu nga reshuffling ni Archbishop Angel Lagdameo.

Suno kay Father Joenick Territorio, Episcopal Vicar kag Canon lawyer, hulaton na lang nila ang effectivity sang mandu sa Disyembre 3. Kon magbalibad si Father Celis nga magsaylo sa iya bag-o nga assignment sa St. Anthony Parish sa Barotac Nuevo, mabakantehan ang nasambit nga parokya. Ginpanugyanan ni Territorio si Celis nga magreport lang sa Barotac Nuevo samtang wala pa naka-abot ang sabat sang Roma sa iya hingyo nga ipabilin siya sa Molo.

Wala nadayon ang installment ni Monsignor Maurillo Silva sa Molo kahapon bangud wala pa naghalin sa simbahan si Celis. Ginpahayag ni Celis nga madamo pa siya sang dapat tapuson kag ginahawiran siya sang iya mga parokyano gani nagrequest siya sa Roma nga magpabilin sa Molo.

(att)