Monsignor Maurillo Silva sang Pavia, nanginwala nga nagsinggit sa atubang ni Father Esperidion Celis sang Molo

Pavia, Iloilo–Nanginwala si Monsignor Maurillo Silva halin sa Pavia nga nagsinggitan siya sa atubang ni Father Boy Celis, kura paroko sang St. Anne Parish sa Molo, sang Nobyembre 9.

Ginpa-athag ni Monsignor Silva nga ginhambalan niya lang si Celis nga indi siya magdiskurso tuhoy sa Canon Law. Ginkonfirmar naman ni Silva nga nag-agaway sila sang sulat nga ipa-receive niya kuntani kay Celis may kaangtanan sa iya pagsaylo sa St. Anne Parish apang indi pagpirmahan sang pari gani nga nagisi.

Wala pa sang ideya si Monsignor Silva sa desisyon ni Archbishop Angel Lagdameo matapos nagbalibad si Celis nga magbiya sa Molo samtang wala pa sang desisyon ang Roma sa iya hingyo nga indi siya pag-isaylo siya sa Barotac Nuevo. Kon mag-abot ang Disyembre 3 nga indi gihapon maghalin si Celis sa Molo kag ma-install na ang bag-o nga pari sa Pavia Parish Church, matenir si Silva sa St. John Mary Vianney Center sa Jaro. (AGB)