Father Esperidion “Boy” Celis, nagdesisyun nga magbiya sa St. Anne Parish Church sa Molo matapos nabaton ang sulat sang Congregation of the Clergy sa Roma

Iloilo City —  Temporaryo  nga magabiya si Father Esperidion “Boy” Celis sa St. Anne Parish church sa Molo matapos nabaton ang sulat sang Congregation for the Clergy sa Roma. Base sa sulat, dapat butangan ni Archbishop Angel Lagdameo sang tagsa ka parish administrator ang St. Anne Parish Church kag ang St. Anthony Parish Church sa Barotac Nuevo nga natalana sayluhan ni Father Celis may kaangtanan sa reshuffling sang mga pari sa idalum sang Jaro Archdiocese. Ginkalipay naman ni Father Celis ang sabat sang Roma sa iya apelar nga magpabilin sa parokya. Base sa sulat sang Roma suno kay Father Celis, tun-an nila ang iya apelar kag hibalu-on kun may kinamatarong sila nga hukman ang amu nga reklamo sandig sa Article 137 sang General Regulations of the Roman Curia.

Una na ginpahayag ni Father Joenick Teritorio, Episcopal Vicar for Chancery Affairs kag Canon lawyer sang Jaro Archdiocese nga dapat maghalin sa Father Celis sa St. Anne Parish Church samtang nagapadayon ang hearing sang Roma sa iya ginpasaka nga reklamo.

Ang mga gamit sa parokya

Gin-ako ni Father Esperidion “Boy” Celis,  nga ginpakuha niya anay ang generator set nga nagapa-andar sa air condition unit sa simbahan.  Suno kay Father Celis, ginbakal niya ang gen set sa balor nga P200, 000 halin sa iya kaugalingon nga kwarta. Posible gamiton sa lain ang generator set suno kay Father Celis rason ginpakamaayo nga kuha-on apang nagpasalig nga ibalik kon magdaug siya sa kaso nga ginpasaka sa roma may kaangtanan sa apelasyon nga magpabilin bilang kura paruko sang st. anne parish church.  Magluwas sa gen set, ginkuha man ni Father Celis ang kandeleruhan kag cross nga suno sa iya, gindala niya sa amu nga parokya. (JoMaque)