Jaro Archbishop Angel Lagdameo, ginpangayuan sang paathag sang Roma may kaangtanan sa apelasyon ni Father Boy Celis nga magpabilin sa St. Anne Parish sa Molo

Iloilo City — Ginpangayuan sang Roma si Archbishop Angel Lagdameo sang paathag may kaangtanan sa apelar ni Father Esperidion “Boy” Celis, outgoing priest sa St. Anne Parish sa Molo, nga magtenir sa parokya sa pihak sang reshuffling sang kaparian nga nasakpan sang Jaro Archdiocese.  Ini ang ginkunfirma ni Father Joenick Teritorio, Episcopal Vicar for Chancery Affairs kag Canon lawyer sang Jaro Archdiocese.   Suno kay Father Teritorio , ginapreparar na sang Archdiocese ang sulat nga natalana man ipadala sa Congregation for the Clergy sa Roma. Una na nagpadala sang sulat si Father celis sa roma sa paghingyo nga magpabilin sa St. Anne Parish Church bangud may mission pa siya nga wala natapos kag ginahawiran ma siya sang pila ka mga parokyano.

Una na ginpahayag ni Father Teritorio nga nagpadala sang instruction letter ang Congregation for the Clergy kay Archbishop Angel Lagdameo sang Nobyembre 30 nga nagamandu nga butangan sang nagkalain lain nga parish administrator ang St. Anne Parish Church kag St. Anthony Parish Church sa Barotac Nuevo nga natalana sayluhan ni Father Celis. Nagmandu man ang roma nga bakantehun ni FatherCcelis ang St. Ann Parish Church samtang nagapadayon ang hearing sa iya kaso. (JoMaque)