BSP-Iloilo Branch, nagapa-andam sa publiko batuk sa paglapta sang peke nga kwarta subong nga holiday season

Iloilo City–Nagpa-andam ang Bangko Sentral ng Pilipinas (BSP) Iloilo Branch sa publiko batuk sa paglapta sang peke nga kwarta subong nga Disyembre.

Suno kay BSP Iloilo Deputy Director Jo-Anne Marie Castelo, indi malikawan nga may magpamentaha sa panahon subong nga holiday season bangud sa masaku nga withdrawal transactions gani dapat mangin mabinantayon. Dapat mausisa suno kay Castelo ang mabaton nga kwarta kag mas maayo kon likawan ang transaksyon sa indi lisensyado nga mga money changers kag makaduluda nga personalidad ukon establisemento. Dugang ni Castelo, likawan man ang pag-withdraw sa lugar nga malaka ang tawo kag madulom kag dapat updan sang himata kun tigulang ang makuha sang kwarta.

Nagpaguwa sang pahanumdom si Castelo agud malikawan nga mabiktima sang mga sindikato nga mangalipay sa ginpangabudlayan sang ila mabiktima subong nga holiday season. (AGB)