Isa pilason sa pagbunggu-anay sang tanker kag elf truck sa Lapaz

Iloilo City — Isa ang pilason sang nagbungguanay ang tanker kag elf truck sa Brgy. Hinactacan, Lapaz. Napilasan ang driver sang elf truck nga ginkilala kay Salvador Contreras, 52-anyos sang Holy Family, Lapuz. Sa imbestigasyon sang Lapaz Police, nag-overtake sa elf truck ang tanker pero na-alang-alang kabangdanan nakabunggo. Wala naman napilasan ang driver sang tanker nga ginkilala kay Julie Dela Cruz, 50-anyos sang Brgy. Taculing, Bacolod City. Halin ang elf truck sa Lapuz kag pakadto sa Pavia para magkuha sang baboy sang na-disgrasiya. (JoMaque)