14-anyos nga solterito sa Balay Dalayunan sa Bo. Obrero, nagreklamo nga ginlampusan sang logbook kag ginpakastigo sa 4 ka menor de edad

Iloilo City — Nagreklamo ang 14-anyos nga solterito sa Balay Dalayunan sa Bo. Obrero, Lapuz matapos ginlampusan sang logbook sang social worker. Magluwas nga ginlampusan sang logbook, ginpahayag ginpakastigo pa sang social worker nga ginkilala kay Elizabeth Hechanova sa mga kaupod sini nga apat ka menor-de-edad. Naakig ang social worker matapos ginbuno sang buka nga botelya ni alyas Ace sang Dumangas ang kaupod sini nga si alyas Michael, 15-anyos. Natabu ang insidente sang Domingo, Disyembre 3. Ginpatawag ni Hechanova si Ace pagkatapos sang insidente kag gin-akigan kadungan sang paglampos sang logbook. Naglagub ang dulunggan kag nagisi ang baba sang menor sang ginpahayag ginsugo ni Hechanova ang apat ka menor nga kastiguhon si Ace. Suno kay Ace, ginpasibangdan siya nga nagkuha sang 12 pesos gani napikon siya kag  ginbuno si  Michael. (JoMaque)