SSS Western Visayas, nagpasalig nga mabaton sang mga pensioners ang ila 13th month benefit
Iloilo City–Nagpasalig ang Social Security System ukon SSS sa Western Visayas nga indi maglampas sa Disyembre 15 kag mabaton na sang mga pensioners ang ila 13th month benefit.
Ginpa-athag ni Mr. Raul Casiano, SSS Division Head sa Panay kag Guimaras, napadala na ang kuwarta sa mga bangko base sa ila record. Posible suno sa iya nga wala gilayon na-update sang mga bangko ang ila record gani wala pa nakabaton ang iban nga pensioners.
Nagalab-ut sa 80 ka libo ang pensioners sang SSS sa Panay kag Guimaras suno kay Casiano. (AGB)