4 ka police outposts, ibutang sa Smallville-Boardwalk Area

Iloilo City — Nahisugtan ang pagbutang sang 4 ka outposts sa strategic nga mga lugar sa Smallville-Boardwalk area sa Mandurriao sa sinapol sang tag-iya sang mga commercial establishments kag ni Councilor Joshua Alim kahapon. Suno kay Councilor Alim, ang mga outposts butangan sang blinker para hapos matultulan sang mga nagakinahanglan sang bulig. Naukayan ang sitwasyon sang seguridad sa Smallville kasunod sang pagtiro-patay sa medical technologist sang damlag lang. Posible mapatindog na ang mga outposts antes matapos ang tuig. Magluwas sa police, magabulig man bantay ang mga tanod sang San Rafael, Mandurriao nga nakasakop sa Smallville. Ginduso man ni Alim sa meeting ang pagpasanag sang mga buildings kag pagbutang sang CCTV cameras. (JoMaque)