Iloilo Business Club President Lea Lara, ginsuhestyun ang paglunsar sang kampanya angut sa alcohol consumption awareness sang city government kasunod sang proposed liquor ban ordinance ni Councilor Joshua Alim

Iloilo City — Ginsuhestyun ni Iloilo Business Club President Lea Lara ang paglunsar sang kampanya angut sa alcohol consumption awareness ang city government.   Kasunod ini sang proposed ordinance ni Councilor Joshua Alim nga dumilian ang pagbabaligya, pagbakal kag pag-inom sang makahulubog nga ilimnon halin ala 1 tubtub alas 8 sa aga.  Apang ginpabutyag ni Lara nga dapat tun-an sang maayo ni alim ang ginaduso nga ordinansa bangud madamu sang dapat nga ikonsiderar.  Mas maayo suno sa iya nga ikonsulta ang tagdumalahan sang mga establishemento antes ipasar ang ginaduso sini nga ordinansa.  Nagapati si lara nga ang pinakamaayo nga solusyon sa problema amu ang kooperasyon sang kapulisan kag management sang mga establishemento, pag-install sang CCTV cameras, regular nga inspection sa mga customers kag kooperasyon sang komunidad. (JoMaque)