Lalaki sa Oton nga natiruhan sa alatrasan, estable na sa ospital

Iloilo–Yara na sa estable nga kundisyon ang lalaki nga  natiruhan sa alatrasan sa Oton kagab-i. Padayon nga na-confine sa The Medical City si Arnel Lima, 25, sang Sta. Rita, Oton.

Suspek sa pagtiro sa iya si Michael Salcedo, 25, sang Barangay Buray, Oton. Ginpahayag gulpi lang gintiro ni Salcedo si Lima sang nagsugat-anay ang sila sa Barangay Buray.

Tripping ang ginalantaw nga motibo sang kapulisan sa pagtiro sa biktima. Gilayon nga nagpalagyo si Salcedo samtang narecover sa crime scene ang isa ka empty shell sang 45-caliber pistol. (AGB)