Masahista, ginpulihan kastigo bangud lang sa lalaki

Iloilo City — Nagreklamo ang 22-anyos nga masahista pagkatapos ginpulihan kastigo sa Villa Baybay Beach Resort sa Sto.Niño Sur Arevalo kaina sang kaagahon. May hanog sa wala nga mata, nabagrasan sa likod kag nagreklamo sang pagpalanakit sang iya lawas si alyas Ann sang ginpulihan kastigo sang grupo ni alyas MJ, 20-anyos . Paguwa na ang biktima sa amo nga beach resort sang ginpalapitan ni MJ kadungan sang paggan-it sang buhok kag ginyudyod sa karsada. Nagpuli man sa pagkastigo sa biktima ang mga kaupod ni MJ. Sa imbestigasyon sang Arevalo Police, nagpangimon si MJ bangud kaupod ni Ann nga nag-inum-inum ang ginpahayag nobyo sang ginreklamo. Magkilalahaya si Ann kag  ang ginpahayag nobyo ni MJ.  (JoMaque)