Mayor Joe Espinosa, nagpangayo sang rekomendasyon sa City Legal Office may kaangtanan sa plano nga pagpasirado sang mga establishemento sa syudad sugod alas 2 tubtub alas 4 sang kaagahon

Iloilo City —  Ginhatagan ni Mayor Joe Espinosa sang tubtob madason nga semana ang City Legal Office kag City Administrator para makapasa sang rekomendasyon may kaangtanan sa plano niya nga mag isyu sang executive order nga i-total shutdown ang operation sang mga establisyimento sa syudad halin 2 tubtob 4 sa kaagahon. Suno kay Espinosa, una nga ginpabutyag sa iya sang City Legal Office nga mas maayo kun ipaagi sa ordinansa kag indi EO agud may penalidad. Ginpahayag man sang alkalde nga samtang wala pa, importante ang police visibility ilabi na sa Smallville area. (JoMaque)