Mga menor-de-edad, pagatutukan sang mga pulis sa pagsugod sang Simbang Gabi–ICPO Spokesperson

Iloilo City–Ginahandaan sang Iloilo City Police Office ang posibilidad nga may matabu nga kinagamo nga dalahigan sang mga menor-de-edad sa pag-umpisa sang Simbang Gabi sa Disyembre 16.

Suno kay ICPO Spokesperson kag Women and Children Protection Desk Head PSI Shella Mae Sangrines,  doblehon nila ang pagbantay sa mga menor-de-edad ilabe na nga naga-umpisa sa sinuyaay kag away sang pamatan-on ang mga kinagamo sa syudad kun kaagahon.        Magluwas sa pag-deploy sang kapulisan sa mga simbahan sa syudad, mangin visible man ang mga pulis sa palibot sang plaza nga posible tambayan sang mga menor. Ginakonsiderar man sang ICPO suno  kay Sangrines ang pagpalawig sang saturation drive pagkatapos sang alas-4 sa kaagahon.

Mangin mabinantayon man ang kapulisan sa iban pa nga street crimes pareho sang snatching, hold-up, basag-kotse ukon bukas kotse. (AGB)