PRO 6, posible makapaguwa sang inisyal nga listahan sang mga magabug-os sa drug enforcement teams

Iloilo City–Ginalauman nga makapaguwa ang Police Regional Office 6 sang initial nga listahan sang mga pulis nga magabug-os sa drug enforcement teams subong nga semana.

Suno kay PRO 6 Spokesperson PSUPT Gilbert Gorero, iga-evaluate nila ang initial nga listahan base sa survey sang Police Community Relations antes ang pagpili sang magabug-os sa team. Indi lang performance suno kay Gorero ang pagatutukan sang PRO 6 sa pagpili sang mangin miembro sang drug enforcement team kundi ang values sang pulis agud indi mangin negatibo sa panulukan sang mga pumuluyo.

Pananglitan naman nga wala sang may ginpili ang mga respondents sa mga pulis nga ginbutang sa survey form, handa ang PRO 6 nga mag-imbestigar kag ilisan ang mga pulis nga ginapapili-an. (AGB)