Biyahe sang mga sakayan pandagat halin sa Iloilo, kanselado bangud sa Bagyo Urduja

Iloilo City–May mga pasahero nga na-stranded sa mga seaports kaina sang kaagahon bangud sa pagkanselar sang Coast Guard Iloilo sang biyahe sang mga fast crafts halin Iloilo pa-Bacolod kag vice dala sang Bagyo Urduja.

Ginkanselar man ang biyahe sang mga RORO vessels halin Iloilo pa-Bacolod, Manila, Cebu kag Cagayan. Nagpadayon ang biyahe sang mga pumpboats halin Iloilo pa-Guimaras kag vice versa pero gina-untat temporaryo sang Coast Guard kun dalagku ang balod.

Sa Philippine Ports Authority Terminal, naglab-ut sa 83 ka pasahero ang nastranded nga mapadulong kuntani sa Manila kag Cebu. Ang kanselasyon ginpatuman sang Coast Guard kasunod sang pagpaidalum sa Western Visayas sa public storm signal number 1. (AGB)