Byahe sang mga sakayan pandagat sa Iloilo, nagbalik na sa normal matapos ang duha ka adlaw nga kanselasyon

Iloilo City — Nagbalik na sa normal ang byahe sang mga sakayan pandagat sa Iloilo sugod las singko subong nga hapon. Suno kay Coast Guard Iloilo Station Commander Ramil Palabrica, may byahe na ang mga barko sa Fort San Pedro padulong sa Manila, Cagayan de Oro kag Cebu. May byahe naman ang mga RORO vessels sa Dumangas kag fast craft sa Lapuz wharf nga padulong sa Bacolod.  Balik man sa normal ang byahe sang mga motor bangka halin sa Iloilo pakadto Guimaras kag vice versa.  Las 5 subong nga hapon, wala na nalakip ang Iloilo sa mga lugar nga ginpaidalum sa Tropical Cyclone Warning Signal number 1. (JoMaque)