5 ka magpamilya nga matambong sa misa, pilason matapos na-hit and run sa Jaro

Iloilo City — Lima ang pilason matapos nabiktima sang hit and run sa Brgy. Quintin Salas, Jaro kaina sang kaagahon. Ginkilala ang mga biktima kanday Herna Rosales, 40 anyos; Joyda Trabuco, 20; Jona Trabuco, 16; Ruffa Mae Arca, 18; kag Crystal Sabidalas, 14 anyos, lunsay sang Tacas Jaro sang nabungguan sang ginapatihan Toyota pick-up samtang nagalakat sa dalan.

Nakilala ang brand sang salakyan bangud sang nabilin sini nga logo. Nagapakadtu sa Jaro Cathedral ang mga biktima para magsimba sang naaksidente. Gindala sa separado nga mga ospital ang mga biktima. (JoMaque)